Faxe Kondi steypavinnarar 2021

Stóri sigursharrin av finaluvikuskiftinum var aftur H71, sum vann finalurnar hjá bæði kvinnum og monnum, umframt D18, G18, D16, D12, D12B, D10, og G10B. Kyndil vann G14, G14B og D14. Neistin vann G16 og G10. VÍF vann G12. StÍF vann D14B og G12B. VÍF vann G12 og ÍA D10B

Steypavinnarar 2021:
Kvinnur: H71 – Neistin 22-20
Dagsins leikari: Vár Højgaard Thomsen (H71)

Menn: H71 – Neistin 26-25
Dagsins leikari: Peter Krogh (H71)

G18: H71 – EB 26-21
Dagsins leikari: Lea Lisberg (EB)

D18: H71 – Neistin 32-22
Dagsins leikari: Pauli Høj (Neistin)

G16: Neistin – H71 28-20
Dagsins leikari: Maria Pálsdóttir Nólsoy (Neistin)

D16: H71 – Neistin 29-25
Dagsins leikari: Óli Mittún (H71)

G14: Kyndil – H71 22-17
Dagsins leikari: Gylta á Neystabø (Kyndil)

G14B: Kyndil b – Stjørnan 22-18
Dagsins leikari: Vár Johannesen (Stjørnan)

D14: Kyndil – H71 32-28
Dagsins leikari: Rúnar Hammer (Kyndil)

D14B: StÍF – ÍA 28-26
Dagsins leikari: Heðin Olsen (ÍA)

G12: VÍF – H71 20-15
Dagsins leikari: Amilia Joensen (VÍF)

G12B: StÍF – H71 c 12-10
Dagsins leikari: Ella Christensen (StÍF)

D12: H71 – Team Klaksvík 21-17
Dagsins leikari: Páll Müller (Team Klaksvík)

D12B: H71 b – ÍA a 24-18
Dagsins leikari: Filip Wardum Ragnarsson (H71)

G10: Neistin – VÍF 15-7
Dagsins leikari: Sigrið Hansdóttir (Neistin)

G10B: H71 c – Stjørnan 10-4
Dagsins leikari: Marin Danielsen (H71)

D10: H71 – Team Klaksvík 16-13
Dagsins leikari: Jónas Fossabrúgv (H71)

D10B: ÍA – Team Klaksvík b 20-18
Dagsins leikari: Jónas Sigtórsson (ÍA)

Kelda: hsf.fo

Føroyskt vinnulív fyri burðardygd

11 føroyskar fyritøkur hava skrivað undir avtalu um at arbeiða saman í trý ár við átakinum Burðardygt Vinnulív.

Í gjár skrivaðu ellivu føroyskar fyritøkur undir eina avtalu um at arbeiða saman í trý ár um átakið: Burðardygt Vinnulív.

Royndarverkætlanin, sum verður samskipað í Vinnuhúsinum, hevur sum aðalmál at menna burðardyggar mannagongdir í føroysku vinnuni og stuðla upp undir arbeiðið við at røkka heimsmálunum hjá ST um burðardygga menning, til dømis veðurlagsátakið.

Seinni í ár fara luttakandi fyritøkurnar at leggja fram eina felags ætlan, sum leggur dent á avbjóðingarnar og møguleikarnar hjá vinnulívinum.

Regin Jacobsen, stjóri í Bakkafrost, sigur:  – Hetta er ein sera spennandi verkætlan, og nógvir nýggir møguleikar liggja fyri framman. Hóast vit eru ein bólkur av ymiskum fyritøkum, so hava vit nakrar felags avbjóðingar, og vit eru samd um at arbeiða saman um hesar avbjóðingar. Okkara vón er, at hetta átakið fer at skapa nakrar týðandi samstarvsmøguleikar okkara millum, sum fer at seta ferð á menniningina at røkka hesum málum.

Marita Rasmussen, stjóri í arbeiðsgevarafelagnum, sigur: – Tað er spennandi hjá okkum at fylgja menningini av hesum átakinum. Føroyskar fyritøkur eiga at hugsa um sosialu, umhvørvisligu og fíggjarligu umstøðurnar, sum tær virka í, og sum áhaldandi broytast; hetta átakið kann slóða fyri, so at fyritøkurnar verða ílatnar til framtíðina.

Tær ellivu stovnandi fyritøkurnar eru: Bakkafrost, Betri Banki, Effo, Faroe Ship, Føroya Tele, JT Electric, KJ Hydraulik, MBM, Pf. Poul Michelsen, SMJ og Vónin.

Gleðilig jól og gott nýggjar

Við tøkk fyri tað brátt farna árið, ynskir P/F Poul Michelsen øllum sínum kundum, veitarum og samstarvsfeløgum eini gleðilig jól og eitt eydnuríkt nýggjár

Petur Hermansen hevur tann 15. Juni arbeitt í 45 ár hjá P/F Poul Michelsen

Á eini samkomu fyri starvsfólk í P/F Poul Michelsen takkaði Poul Michelsen Petur fyri alla ta longu tíð, hann hevur arbeitt í PM.

Hann nevndi, at Petur hevur arbeitt 45 ár av teim 46 árum sum PM er gamalt. Tá Petur byrjaði, var heilsølan staðfest heima í Gundadali 19, partvís í kjallaranum hjá foreldrunum í C. Pløjensgøtu og á Fiskasentralinum á Eystaru Bryggju.

Tá Petur kom at arbeiða í fyritøkuni, arbeiddu 4 fólk har, og hevur Petur sostatt verði við í allari menningini av fyritøkuni, sum nú telur á leið 60 fólk og húsast við Hoyvíksvegin í einum bygningi uppá umleið 6000 m2.

Petur hevur at kalla havt allar arbeiðsuppgávur hjá felagnum, men er nokk mest kendur sum sølumaður, og er ongin ivi um, at tað eru nógv í vinnuni, sum hava nógv gott at bera Petur.

Vit er glað fyri, at Petur enn arbeiðir hjá okkum. Petur er – sum søgan væl saktans fortelur – ongin ársungi, og hevur hann tí valt at minka munandi um arbeiðsorkuna í P/F Poul Michelsen.

PM fingið nýggjan lastbil í flotan

Nýggi lastbilurin er av merkinum Mercedes Arocs 3263

Motorurin hevur heilar 630 hestakreftur. Bilurin mátar 12 metur í long, er 4 metur høgur og 2,6 metur breiður.

Bilurin tekur í mesta lagi 44 plattar av vøru.

Tað ið er mest sermerkt við bilinum er, at hann eingi síðuspegl hevur. Ístaðin hevur hann myndatól á hvørjari síðu, og stórar skýggjar í húsinum.

Nýggi lastbilurin fer frameftir, at røkja Sundalagsrutuna. Bilførari er Finn Falkenberg

Poul Michelsen samtakið játtar 500.000 krónur til Granskingarráðið

Granskingarráðið hevur m.a. heitt á vinnufyritøkur um fíggjarligan stuðul til Korona-tengdar granskingarverkætlanir.

Granskingarráðið skrivar í síni áheitan: Korona farsóttin, sum herjar um allan heim, hevur við sær heilt óvanligar avbjóðingar bæði á heilsuøkinum og fyri alt samfelagið sum heild. Umframt heilsuligu avleiðingarnar hevur farsóttin eisini vinnulig, búskaparlig, sosial og skipanarlig ringárin, sum vit enn ikki kenna til fulnað. Stórur tørvur er á meira vitan, sum kann bøta um átrokandi avleiðingar av farsóttini nú, og sum kann styrkja samfelagið til at standa ímóti stórum avbjóðingum í framtíðini.

Vit meta at arbeiðið sum Granskingarráðið bjóðar sær til at stjórna, er eitt týdningarmikið átak bæði sum eitt skjótt verjuátak, men eisini sum eitt átak, sum kann finna eina meira varandi loysn í stríðnum móti Korona Covid -19.

Poul Michelsen samtakið umboðar fyritøkurnar P/F Poul Michelsen, PM-Pluss, veitsla.fo, (Atlas)PM-flutningur og Kjøtbúðin

Les meira um átakið her: https://www.gransking.fo/…/studul-til-atok-a-granskingarok…/

Vøruframsýning 2020 fyribils útsett

Orsakað av herdum átøkum og serligu støðuni við Covid-19 (Corona virus) hava vit avgjørt, at útseta okkara vøruframýning fyribils

Vit arbeiða við, at finna eitt nýtt dato seinni í ár

Kunning til okkara viðskiftafólk

Vísandi til tilmælið frá almennu mynduleikunum ynskja vit eisini at gera okkara  fyri at minka um smittuvandan fyri Corona.

Vit hava tí avgjørt, at seta nøkur átøk í verk – hesi verða í fyrst atløgu galdandi í 2 vikur, men støðan kann broytast.

Heilsølan er bert opin fyri starvsfólk hjá P/F Poul Michelsen. Kundar ið ynskja at heinta vøru, mugu ringja / maila ordran inn, og verður vøran sett uttanfyri undir hálvtaki við ”Vøruheintan”.

Somu átøk eru galdandi fyri goymsluna hjá MBM við Hoyvíksvegin.

Útkoyring verður sum vanligt, men hava okkara bilførarar fingið boð um, at hava so lítla kontakt við kundan sum til ber.

Telefon- og teldupostavgreiðslan er opin sum vanligt

Vinaliga

P/F Poul Michelsen & MBM

 

Ingi Rasmussen arbeitt í 25 ár hjá P/F Poul Michelsen

Ingi Rasmussen hevur – um dagarnar – samanlagt arbeitt hjá P/F Poul Michelsen í 25 ár og hevur sostatt verið í starvi hjá okkum stóran part av lívi sínum og av søgu felagsins.

Fyri tað mesta hevur Ingi koyrt vørur út og sostatt verið eitt týðandi bindilið millum okkum og kundar okkara. Hetta álit hevur Ingi – nærlagdur, røkin og ábyrgdarfullur sum hann er-, røkt til fullnar.

Vit takka Inga fyri eitt gott og ábyrgdarfult avrik tey farnu 25 árini, við vón um gott framhaldandi samstarv.