Okkara virksemi

– á røttum stað – til tíðina –

P/F Poul Michelsen

P/F Poul Michelsen hevur síðani 1974, átt ein stóran leiklut á føroyska matvørumarknaðinum.

Tey fyrstu árini einamest sum serheilsøla innan køli – og frystivørur. Hesir vørubólkar kravdu tá eins og nú serligar umstøður bæði í flutningi og goymslu.
Catering/vistarveiting kom so at siga samstundis inn í vøruúrvalið og er í dag stórur partur av virksemi okkara.

Sølunetið

Søla okkara verður fyri størsta partin røkt av ferðandi seljarum, telefonseljarum, við tilboðum umvegis interneti og við faxi. Umráðandi hjá okkum er at hava so tætt samstarv við kundar okkara sum til ber. Hinvegin menna vit nýtt tøkni og nýggjar hentleikar, sum skal gera tað møguligt at samvinna við okkum lætt og skjótt, og tá alt samdøgrið allar dagar í vikuni.

Skeið- og undirvísingarumstøður

Við seinasta útbygging fingu vit gjørt nýggja stásiliga matstovu til 60 fólk. Umframt at vit her gera mat til starvsfólkini, verða hølini brúkt til skeið- og undirvísingarátøk. Eisini verða hølini brúkt til framsýningar.

Flutningur

Ein partur av okkara virksemi er at tryggja, at flutningurin til kundar okkara er á einum høgum góðskustøði og við einum títtleika, sum slíkt virksemi krevur. Við lýsingarátakinum

– vit trívast best í kulda –

eru teir 14 serbygdu gulu lastbilarnir daglig sjón í ferðsluni.

PM Pluss

Seinasti spírin innan virksemi okkara er innan reingerð og kantinutænastur. Herfyri keyptu vit P/F Skimma fyrr ISS Føroyar.
PM-pluss, sum fyritøkan nu eitur, tekur sær av vegleiðing til og at reka virkiskantinur og av reingerð av stovnum, skrivstovum, handlum, vinnu- og framleiðslufyritøkum.

Veitsla.fo

Nýggi nethandilin veitsla.fo læt upp 12. desember 2017 og heldur til í Tórshavn, men veitir tænastu kring alt landið.

Endamálið hjá veitsla.fo er at gera tað lættari hjá føroyingum at halda eina góða veitslu. Veitsla.fo leigar út alt til veitsluna, hátíðarhaldið ella tiltakið, sum t.d. borð, stólar, borðbúnað og mangt annað. Nethandilin hevur hópin av vørum í størri nøgdum, so fólk kunnu skipa fyri størri tiltøkum og fáa alt teimum tørvar á einum stað.

Virksemi í Danmark

Í Rødovre liggur Atlantic – Partner A/S. Ein fyritøka sum Kurt Jensen, Geert Jørgensen og Poul Michelsen stovnaðu fyri skjótt 20 árum síðan.
Kurt og Geert arbeiddu báðir í 80- unum og 90-unum sum sølustjórar hjá P/F Poul Michelsen.
Frá at Atlantic Partner A/S var ein innkeyps- og logistik fyritøka, við tøttum samstarvi við P/F Poul Michelsen og føroyskan handil hevur fyritøkan ment seg á danska marknaðinum, og er nú ein tíðandi leikari innan sølu av non-foodvørur til dagligvøruhandlarnar í Danmark við øllum teimum størstu dagligvøruketunum sum kundum.