PM Heilsølan hevur opið frá kl. 08:00 til 16:00 Grundlógardagin 5. juni 2026
Faxe Kondi kappingin til 2030
Í samband við HM røkk-støkk dystin millum Føroyar og Bosnia Hersigovina leygardagin, nýttu HSF og PM Heilsøla høvi at hittast og skriva undir avtalu um Faxe Kondi steypakappingina. Samstarvið um kappingina er nú longt fram til og við finalurnar í 2030.
Tað vóru Gunnar Mohr, stjóri í PM Heilsølu og Gunn Ellefsen, forkvinna í Starvsnevndini hjá HSF, sum saman við landsliðsleikarunum Eliasi á Skipagøtu og Rannvá Olsen, hittust undan dystinum, har sáttmálin eisini var undirskrivaður.
– Gunn Ellefsen viðmerkir, «samstarvið um Faxe Kondi kappingina hevur riggað sera væl og er ment so líðandi í felag. Hvørt ár merkja vit ein serligan spenning millum leikarar og hondbóltsfjepparar upp til steypafinalurnar. Familjur, ung og gomul leita sær í høllina at heppa uppá okkara dugnaligu leikarar, sum sleppa at skína í besta kastljósi.»
– “Í dag heppa vit uppá manslandsliðið Við Tjarnir, men eg haldi eg tori at siga, at eg havi sæð flestu av hesum leikarunum í onkrari steypafinalu upp í gjøgnum árini, tað veri seg hjá ungdóminum ella teimum vaksnu, sigur Gunnar Mohr. “Tað er hugaligt at síggja, hvussu langt teir eru komnir, har teir flestu spæla, ella hava spælt uttanlands, og her hava steypafinalurnar eisini verið eitt stig á hondbóltsleiðini»
Steypafinalurnar 2027 vera vikuskiftið 19. – 21. februar.
PM messan 2026
Umleið 600 fólk løgdu leiðina framvið, tá PM messan varð hildin fríggjadagin 17. apríl.
Í ár luttóku yvir 30 veitarar, og tað var sera stuttligt at síggja, hvussu nógv fyritøkurnar høvdu gjørt burturúr sínum básum.
Vit vilja takka øllum, sum komu framvið. Vit gleða okkum longu til næstu PM messu.
Vælkomin á PM messuna 2026
Afturvendandi PM messan verður í ár hildin fríggjadagin 17. apríl frá kl. 10.00 til 18.00, á Hoyvíksvegi 74.
Á messuni luttaka bæði føroyskir og útlendskir veitarar.
Kom framvið og fá íblástur. Møguleiki verður fyri, at síggja nógvar ymiskar, nýggjar og spennandi vørur. Harumframt verða smakkiroyndir og fleiri góð tilboð.
Undanfarin ár hevur tað verið stuttligt, at sæð flottu básarnar verða so væl vitjaðar. Tað er tí við stórari gleði, at vit aftur í ár bjóða øllum vinnurekandi og almennum stovnum til eitt hugkveikjandi og spennandi tiltak.
Hjartaliga vælkomin
Upplatingartíðir um páskirnar
Soleiðis hava vit opið um páskirnar:
1. apríl, mikudagur: Opið sum vanligt
2. apríl, Skírishósdagur: Stongt
3. apríl, Langi fríggjadagur: Stongt
4. apríl, leygardagur: Opið frá 11:00 til 15:00. Til ber at heinta vørur (vakttelefon nr. 764699)
5. apríl, Páskadagur: Stongt
6. apríl, 2. Páskadagur: Stongt
7. apríl, týsdagur: Opið sum vanligt
Yvirlit yvir útkoyring og bíleggingarfreist sæst á nethandli okkara www.keyp.pm.fo
Vit ynskja øllum einar gleðiligar páskir
Ingi Gunnarsson fer frá vegna aldur
Vit høvdu eina hugnaliga fráfaringarløtu í dag, nú Ingi fer frá vegna aldur.
Stjórin, Gunnar Mohr helt eina røðu og somuleiðis Poul Michelsen bar fram eina heilsan og tøkk til Inga.
Ingi hevur starvast sum sølumaður hjá PM heilsøluni í 23 ár og hevur við trúfesti og ágrýtni verið ein týdningarmikil partur av fyritøkuni.
Vit takka Inga fyri gott samstarv og trúgva tænastu, og ynskja honum alt tað besta framyvir.
Starvslýsing: Framleiðslufólk til P/F Kjøtbúðina
Ert tú fyrikomandi og røkin og hevur hug at koma í starv hjá okkum, so ert tú kanska júst tann rætti umsøkjarin at byrja í framleiðsludeildini hjá okkum.
Starvsøkið fevnir í høvuðsheitum um framleiðslu og pakking av matvørum. Starvið krevur, at tú ert væl fyri kropsliga, tí nakað er at lyfta.
Vit søkja eftir einum starvsfólki at arbeiða umleið 40 tímar um vikuna.
Arbeiðstíðin er mánadag til fríggjdag, millum kl 8.00 – 16.00.
Starvið er tímalønt og lønt sambært sáttmála við Havnar Arbeiðarafelag.
Um hetta hevur vakt tín áhuga, ert tú vælkomin at senda eina umsókn á teldupost: starv@pm.fo.
Umsóknarfreistin er 31. Mars. Ætlanin er, at byrja skjótast gjørligt.
Hevur tú spurningar um starvið, ert tú vælkomin at seta teg í samband við
Leonu Ellefsen, HR-leiðara á tlf 764625, ella mail leona@pm.fo.
Vælkomin á PM messuna 2026
Afturvendandi PM messan verður í ár hildin fríggjadagin 17. apríl frá kl. 10.00 til 18.00, á Hoyvíksvegi 74.
Á messuni luttaka bæði føroyskir og útlendskir veitarar.
Kom framvið og fá íblástur. Møguleiki verður fyri, at síggja nógvar ymiskar, nýggjar og spennandi vørur. Harumframt verða smakkiroyndir og fleiri góð tilboð.
Undanfarin ár hevur tað verið stuttligt, at sæð flottu básarnar verða so væl vitjaðar. Tað er tí við stórari gleði, at vit aftur í ár bjóða øllum vinnurekandi og almennum stovnum til eitt hugkveikjandi og spennandi tiltak.
Hjartaliga vælkomin
Faxe Kondi steypafinalurnar 2026
Faxe Kondi steypafinalurnar 2026 vóru leiktar í stórhøllini við Tjarnir um vikuskiftið. Talan varð um heili 19 finalur.
Vit ynskja øllum hjartaliga til lukku við úrslitunum.
Steypavinnarar 2026:
Kvinnur: Kyndil – VÍF 29-26
Dagsins leikari: Gylta Djurhuus á Neystabø (Kyndil)
Menn: H71 – Kyndil 37-28
Dagsins leikari: Høgni Heinason (H71)
G18: H71 – Neistin 22-19
Dagsins leikari: Sára Berg á Lag (H71)
D18: H71 – Neistin 34-29
Dagsins leikari: Jónas Fossabrúgv (H71)
G16: Neistin – H71 29-27
Dagsins leikari: Sigrið Hansdóttir (Neistin)
D16: H71 – VB 37-28
Dagsins leikari: Jónas Poulsen (H71)
G14A: H71 a – StÍF a 23-20
Dagsins leikari: Sára í Selvindi (StÍF)
G14B: Stjørnan – Tjaldur 12-11
Dagsins leikari: Ida Müller (Stjørnan)
D14A: H71 a – Neistin a 25-24
Dagsins leikari: Dánjal Petursson Djurhuus (H71)
D14B: Neistin b – StÍF a 33-32
Dagsins leikari: Allan Ramiro Joensen (Neistin)
G12A: VÍF a – H71 a 21-10
Dagsins leikari: Aranja Agnarsdóttir Joensen (VÍF)
G12B: Kyndil a– Tjaldur b 17-10
Dagsins leikari: Eyðdis Iversen (Kyndil)
D12A: H71 a – VÍF a 27-23
Dagsins leikari: Bastian Sommer Sigurheim
D12B: Team Klaksvík b – SÍF 14-11
Dagsins leikari: Kalli Váðklett
G10A: H71 a – Kyndil a 18-17
Dagsins leikari: Jana Hammer (Kyndil)
G10B: Stjørnan a – ÍA a 15-9
Dagsins leikari: Emma Sjóstein (Stjørnan)
D10A: H71 a – Kyndil a 22-17
Dagsins leikari: Alexandur Eseosa Chief Eharuyi (H71)
D10B: Kyndil c – Neistin d 17-14
Dagsins leikari: Emil Petersen (Kyndil)
Starvslýsing: Innkeypari til Frukt og Grønt hjá P/f Poul Michelsen
P/f Poul Michelsen søkir eftir einum dugnaligum innkeypara til Frukt og Grønt.
Vit leita eftir einum ábyrgdarfullum og sjálvstøðugum innkeypara við góðum samstarvsevnum og hollum kunnleika til matvørur – serliga innan frukt og grønt. Tú verður ein týðandi partur av okkara innkeypsdeild og kemur at arbeiða tætt saman við sølu- og goymslutoyminum.
Vit vænta, at tú:
- – Hevur góðan kunnleika til matvørur, helst frukt og grønt
- – Hevur royndir við innkeypi, handli ella hevur flair fyri tølum
- – Arbeiðir skipað, sjálvstøðugt og miðvíst
- – Hevur góð samstarvsevni og trívist í einum arbeiðsumhvørvi við nógvum samskifti
- – Hevur áhuga ella royndir við Office 365 og Business Central (Dynamics 365), sum er ein fyrimunur
Vit bjóða:
- – Eitt spennandi og fjølbroytt fulltíðarstarv við nógvari ferð
- – Eitt arbeiðspláss við góðum felagsskapi, trivnaði og dugnaligum starvsfeløgum
- – Møguleika at ávirka arbeiðsgongdir og menning í fyritøkuni
- – Løn sambært avtalu
Um hetta hevur vakt tín áhuga, vinaliga send umsókn til starv@pm.fo
Umsóknarfreistin er mánadagin 26. januar 2026.
Hevur tú spurningar til starvið, ert tú vælkomin at seta teg í samband við
Leonu Ellefsen, HR-leiðara, á tlf. 764 625 ella telduposti leona@pm.fo.
Allar umsóknir verða viðgjørdar í trúnaði.
P/f Poul Michelsen
