Í dag fekk Jonna Hansen handað lærubræv í sambandi við, at hon hevur nomið sær útbúgving sum skrivstovufólk innan fyrisiting.
Jonna er næmingur nummar 34 hjá P/F Poul Michelsen. Í lærutíðini hevur Jonna verið knýtt at skrivstovuni, har hon m.a hevur havt samskifti við kundar. Eisini hevur hon havt ymsar fyrifallandi uppgávur í innkeypsdeildini og fíggjardeildini.
Vit ynskja Jonnu hjartaliga tillukku við útbúgvingini og ynskja henni blíðan byr framyvir.
