Í sambandi við at P/F Poul Michelsen arbeiðir við at minka CO2 útlatið, royna vit áhaldandi at finna nýggj tiltøk fyri at røkka okkara málum.
Í skjótt trý ár hevur P/F Poul Michelsen verið ein partur av Burðardygt Vinnulív – Faroese Sustainable Business Initiative og tað hevur givið okkum nógvan íblástur miðvíst at arbeiða fram ímóti at minka um CO2 útlátið.
Fyrr í dag høvdu vit sett á skrá eitt koyriskeið fyri okkara bilførarum. Bilførarar hjá IRF og Faroe Ship luttóku eisini. Skeiðið snúði seg um at effektivisera koyringina hjá bilførarunum og leggja teimum lag á, hvussu ein skal koyra fyri at minka um CO2 útlatið.
Tað vóru umboð frá Dekra, ið stóðu fyri skeiðinum.
