Í góðveðrinum í dag varð reisigildi fyri nýggju frystigoymsluni. Nýggi goymslubygningurin er í tveimum hæddum og 3.000 fermetrar til støddar. Í ovaru hæddini verður frystigoymsla, har pláss verður fyri áleið 1.600 plattum. Í niðaru hæddini verður parkeringskjallari, vaskipláss og verkstað.
Tað er Articon, ið stendur fyri arbeiðinum. Arbeiði gongur sera væl og tíðarætlanin heldur. Arbeiðið verður alt avhendað heilsøluni í februar í komandi ári.
